Mahadev Masta Model Secondary School

महादेव मष्‍टा नमुना माध्यमिक विद्यालय, खत्याड–११, रातापानी, लुई, मुगुमा अवस्थित, वि.सं. २०३२ मा स्थापना भएको एक अग्रणी शैक्षिक संस्था हो। वालकक्षा देखि कक्षा १२ सम्मको पढाइ हुने यस विद्यालयलाई शिक्षा मन्त्रालयले वि.सं. २०७७ मा नमुना विद्यालय घोषणा गरेको हो। विद्यालयले ग्रामीण भेगका बालबालिकालाई ICT, विज्ञान र आधुनिक शिक्षण विधिबाट गुणस्तरीय शिक्षा प्रदान गर्दै आएको छ। विद्यालयले गुणस्तरीय शिक्षा विस्तार मात्र होइन, विद्यार्थीलाई विश्वस्तरमा प्रतिस्पर्धी बनाउन दीर्घकालीन योजना अघि सारेको छ। विज्ञान र प्रविधिमुखी शिक्षालाई अझ सुदृढ गर्दै आत्मनिर्भर र सिर्जनशील नागरिक उत्पादन गर्ने लक्ष्य लिएको छ।